أجامل وأبتسم وأضحك وأنا في داخلي مقهور
أحاول أكتم أحزاني ورى صدري وأخبيها
أحاول اكتم همومي واخبيها وأنا مجبور
وأحاول قد ما أقدر أبعد عن حراويـــــها
لو أني كنت بنطقها مع أنها واقفة بالزور
ولكن لازم اكتمـــهـا ولا أبين معانيـــــها
ولو بعض البشر تدري وتكشف خافي المستور
أببلـــش في شماتتها وأبتعب من حكاويـــها
طبيعه ماتفارقهم طبيعة من قديم عصــــور
ورا حكي القفى تطرد وتنبش في خوافيها
واذا طاح الرجل مرة وصار من الزمن مكسور
تجيلـه طعنــه بظهره تفاجأ مادرى فيـــــها
تفاجئ مادرى باللي بيصير ومن وراهـ يدور
وخابت هقوتـــه فيهم بعد ماكان هاقيـــها
لجل هذا كتمت الهم في صدري وأنا معذور
همومي في وسط قلبي أخبيها واخليها
واذا زاد الحزن فيني كني وحيد بعالم مهجور
كأني بدنيتي وحدي وكل الناس جافيــها
واذا ودي أبوح بهم أبد ما اكتبه بسطــور
همومي بس في نفسي الحنها وأغنيها
مصير الهم يترحل وأعيش بدنيتي مسرور
مصيــر الهم ينساني ونفسي ما يعنيــها
مصير القلب لو يظلم يجي يوم ويشوف النور
مصيــر الناس تتبدل وتتغيــر مماشيــها
اذا صار الذي ودي أبيح خافي المستور
واخلي الناس تدري بي وبهمومي أبكيها
ولكن بكتم همومي واخبيها عن الجمهور
وطبــع الهم مايهنى بغير ظلوع راعـيـــها
وسلامتكم