,,
ازعل واقول بخاطري اقدر انساك
وانسى الزعل وانطر سحابك يجيني
واقف على باب الامل واتحراك
وقلبي يسابق بالوله شوق عيني
,,
على هالحال
مابين وبين
اجاهد لهفة احساسي
اتزعلني وفغمضت عين
اشمك عطر بـ انفاسي
على هالحال
تغريني صباحاتك
ويغمسني مساء الشوق في ذاتك
ويذوب اللوم بشفاتي
وامسح جمر دمعاتي
وانساني بحضن الشوق
وانا والشوق
نخيل بروق همساتك
على هالحال
اسامر طيفك الغالي
واغني له
( انا موجه قدرها تعيش في بحرك)
قدرها تكسر السايد وتوفي لك
رغم فقدك وتنكيلك
قدرها تعشقك بجنون
وتاخذ من شعوره لون
تشكل من شعاع الشمس
معتق بالحواس الخمس
يضوي في سماء ليلك
على هالحال
ترفرف روحي بدنياك
وامل عمري على بابك
ونبضي مفعم بذكراك
وحلمي يحضن اهدابك
على هالحال
,,
موضوع: أمل عمري على بابك ..!! 
الأربعاء ديسمبر 23, 2009 3:40 am
