أرجع مدام القلب باقي يناديك

تعال قولي بس وشلون اجازيك
يعني تبيني صدق ابعد واخونك
مليت انا ياصاحبي من بلاويك
وياما تحملت العنا من جنونك
تجرح بقلبي وفــوق هــذا أداريك
واقول ياقلبي عسى الله بعــونك
عجزت لأرحل ياحبيبي وأخـليك
وعجزت أداوي في خفوقي طعونك
بعت الملى يادنيتي لجل اشريك
وأرفعك عن كل الخلايق واصونك
واهواك وأحبك وبالـروح افـديك
وان راح عمري يروح فدوةعيونك
ماعدت أفـكر غير وشلون الاقيك
ودي حياتي كلها وســط كــونك
واطير من فرحي اذا مر طـاريك
حتى الدقـــايق دايمآ يحــترونك
لا تسمع اللي في حبيبك يعــاديك
وش مصلحتهم غير بس يعذلونك
واسمع كلامي بس واعدل خطاويك
ولا تتبـع اللـي بضيقتك يتـركـونك
تدري بقـلبي مابه اللـي يســاويك
وتدري أحبــك فــوق اكــبر ظــنونك
أرجــع مــدام القلـــب باقي ينــاديك
حـــرام أعيش العمر لحظــــه بدونك

روعه ..

وكلمـآتها آعجبتني كثيررررر~

يسلم لنـآ ذوقك يآلغلآ

يسلموـوـو ياا ((الرمش الخجول)) كلام مرره روعه

واعجبني كثيرر

ودي حياتي كلها وســط كــونك
واطير من فرحي اذا مر طـاريك

وثاني مرره يسلموـوـو...