ماابي أضيق خاطرك.. وانت مرتـــاح.!

يآحبيبي طآلبكـ خلنَي بــ حـآلي
ما أبي "أضيــّــق خاطرك" وأنت مرتاح


ياحبيبي وإن غبت عنك " ليالي "
غلاك باقي بــ الحنايا ولا راح


تبي أسولف لك ، وش اللي جرالي ؟؟
أخاف يمسح قولنا الصبـــح لا لاح



أجل تعال أجلس هنيـّـا قبــالي
دام الحطب طاح وكثير العتب طاح



لو كل شخص إليا عطيته وفالي
ماكان بــ الدنيا حزن ليل وجراح



ولو كل غالي قدّر إحساس غالي
ماشفت ذاك الدمع من محجره ســاح



ولو كل قلب من الحسد جاك خالي
مايشتكي من شحّ الأمطار فــــلاّح



ولو كل واحد جاك طبعه مثـــالي
ماكان بــ الدنيا سجن ناس وإصلاح



ولولا الذنوب اللي بـ كبر الجبالي
ماكان جيش الكفر لــ بلادنا إجتـــاح



ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح



هذا بعض حزن السنين التوالي
طير الحزن مبطي على خافقي ناح



ما أقول أن الخير ماله مجالي
لآ والذي يفلق من الليل الإصبــــاح



لكن هنا بعض الألم ياحلالي
وأنا أدري أن العود يوم أحترق فاح



أول أقول إني صبور وشمالي
واليوم لآ والله أنفجر سدّي وبـــاح



ماقلت لك ياحبي خلّني بـ حالي
هذا أنت ضقت وأذكرك جيت مرتاح

يسلموووووووو

خاطرة ولا اروع

الله الله الله
كلمات اكثر من رائعه
يعطيك الف عافيه اخوي

صح السانك وسلمت يمناك

دوم دوم في انتظار كل جديد من قلمك

سلمت يمناااكـ على الطرح الجميل
لا عدمناااكـ
يسلموووو

ابدعت يالغالي في اختيارك
بسلملي ذوقك ومشاعرك