الحياة حلوة بس نفهمها

.. السـلأإم عليـكم ورحمــة الله وبركـأتـة ..

.. إخبـأركـم حـبايب قلبي .. عسـأكـم بخيـر إنشـاءالله ..

.. ياحـبي لكـم .. وياشـوقي لــكم .. وياعـطفي لــكم ..
.
.
.
المـوضوع بعنـوإن

[~ الحيــاة حـلوة بس نفهمـهـأ ~ ]
.
.
.
[ 1 ]

شاب في سن المرهقه عمره 16 سنه يمتلك سياره من طراز 12 سلندر وقوة 400 حصان .
متهور في قيادته يسرع داخل المدينه يقطع الاشارة كانه ما شافها ويجي شاب جامعي .
عمره 24 سنه معه سيارة قيمتها اقل من اربعة الاف ريال واعي ومدرك لخطر السيارة .
يسوق بتعقل ومدرك لاخطار السيارة وابوه متوفي ومقطوع من شجرة تقريباً .
ومعارفه محدودين وكلهم مثله ومثل وضعه تقريباً .
يجي المراهق هذا ويقطع الاشارة وهو مسرع ويصدمه الجامعي ويتوفي الولد المراهق .
و يجي الشاب الثاني شلل رباعي من قوة الاصطدام .
يجي ابو الولد هذا ويحاول فيها يمين ويسار ويقلب الخطأ على راعي السيارة الثانيه .
مع ان فيه شهود شافو الحادث والغيت شهادتهم لانهم غير كفء للشهادة .
لانهم شهدو على الولد المراهق بعدها تتحمل ام الشاب هذا الديه وقيمه السيارة .
ولدها مشلول وابو المراهق يصيح في العزاء ويقول ولدي في عمر الزهور جاه هاك المطفوق و خلاه يموت !!
(اللي ماله واسطه نخله ماسطة)
.
.. الحيـأة حـلوة بـس نفهمهـأ ..
.
.
.
[ 2 ]

تدخل السوق تبي تشتري اي شي تلقا شياب اول ما يذن يطمرون للمسجد ويصلون ويدعون الله .
وانواع الخشوع لدرجه انك تقول للحين وفيه سلفيّين وتلقاه يدعي ويصيح و دايم .
ما على لسانه الا كلام حلو همن تدخل عليه في المحل وتلقاه يكلم واحد على انفراد وتسمعه يقوله
ابسلفك مليون وتردها عقب سنه ونص بفايدة 40 % سامع وانا ابوك يقوله .
هذاك يا عمي البنك ما يسوي كذا قال بعد البنك ما يعطيك قورشك في نفس اليوم .
وانت ما قدمتا له ضمانات تسوى الا بيت في الحي الفلاني ومزرعه في الديرة الفلانية .
عقبها يقول شورك وهدايه الله ويطلع هذا الواحد ووجهه اسود .
من كثر الغبنة وتدخل انت وريحتك تتن وتقوله يا خال عندك الشي الفلاني يقولك .
انقلع يا الخبيث منيب ابيع ناس تدخن !! .
يعني تو ترابي بفلوسك واللحين منتب بايع واحد يدخن !! .
(هذا مثل اللي يقول حلال علينا حرام عليكم )
.
.. الحيـاة حلـوة بـس نفهمـها ..
.
.
.
[ 3 ]

تدخل على اخوياك في استراحه وتلقاهم يلعبون بلوت تدخل وتقول دقو الولد همن يدقون الولد
وتطلع انت تقابل خالد انسان حار يحب يفتعل المشاكل عند اتفه شي بسبب انه يواجه .
ضغوط في بيتهم من اهله ويعامل مثل طفل مع ان عمره 24 سنه تقعد وتلعب وتقابله .
وتلاحظ ان مجريات اللعب تمشي لصالحكم همن فجأة رصو الثانين .
وجاهم اربعميه تردفها سرا والثاني جاه مية عشرات .
بعدين يبدا الشتم واللعان والكلام في االاهل ويا ولد ..... ويا ابن .......... ويا ملعون ومن ذا الحكي .
( يعني للدرجه ذي صارو الناس يتهاونون بسب الاهل وتلعين بعض؟ ) .
.
.. الحياة حلوة بـس نفهمهـا ..
.
.
.
[ 4 ]

تدخل استراحة شباب وانت مثقل بالذنوب .. والغريبة انك توصل للبيت
وانت تقريباً تفقد كل الذنوب وتمتلك زود حسنات تبي تقولون ليه اقولكم لانك .
ما يمديك تطلع مع الباب الا تسمع الحش والسب والتهكم والضحك .
وهذا يدل على ضعف شخصياتهم وعدم مقدرة مواجهة الشخص هذا لانهم ما تجرأو يتكلمون قدامه
(أيحب احدكم ان يأكل لحم اخيه ميتاً فكرهتموه) .
.
.. الحياة حـلوة بـس نفهمـها ..
.
.
.
[ 5 ]

بنـت دإخـلة محـل في السـوق تـبي تشتـري مـلأإبس ..
بنت : اقول انت ما عندكم مقاس 37 .
اللبناني اللي يبيع: الا شو هالكلام يخرب زوء هالشغاله ازا كان موجود .
البنت : طيب عطني اياه .
اللبناني : اصبري حضرتك شوي بس دخيل الله .
( اللبناني قاعد يناظر البنت من فوق لتحت تقول جهاز سكنر يبي يطلع صورة
ولا مكينه تصوير في خدمة طالب ).
اللبناني : انتي راح تلبسي35 .
(شوفو بالله شلون يجادلها في ملابسها الداخليه ويعلمها بمقاسها ).
البنت: طيب عطني اياه اجربه اشوف اذا يركب ولا رجعته .
اللبناني : الموديلات المتوفرة في الزاوي هّي مودموزيل .
( البنت قاعدة تتنقى ملابسها الداخلية وياما طلعت ذا وياما طلعت ذا اخر شي صفت على نوع معيّن)
البنت : هذا مقاسه 36 وانا ابي زي ما قلت 35 من نفس الوديل .
اللبناني : يخرب زوئك مدام هو هاد زوء عالي ما شاء الله .
( البنت ابتسمت وودها تضحك بقوة من زود الوناسة لبناني يطري على ذوقها بانه زين ؟) .

انتهى الحوار

تخيلو واحد سعودي او واحد من اهل البلد سوا الشي هذا لا تخيلو .
انه قال عندنا بضاعة توها نازله اصبري اوريك اياها اختي .
ولا جادلها في مقاسها ولا شي خلاها على راحتها ولا اذاها بشي ابد.
تخيلو وش تبي تسوي اول شي تبي تصكه بشنطتها اللي فيها قارورة عطر حجم عائلي وفيها عدة تجميل كاملة.
.
.. الحيـاة حلوة بـس نفهمها ..
.
.
.
[ الحياة حلوة بس نفهمها 619918

]

يسلمووووووو

بمروري من هنا حملت الكثير معي.......لرحله الحياه

ماجمل تلك السطور ومااجمل العبارات

لامست احساسي

من أعمااق الفؤاااد اهنيك بابدااعااااتك انووووس
دمت مبدع ومتألق