لو كنت في هذا الموقف

لو كنت في هذا الموقف ؟

صديق عزيز عليك، وبينكم صداقة جميلة ورائعة، ومعظم الأوقات تقضونها مع بعض ولكن تتفاجأ باتصال
من زوجة صديقك تقولك
ممكن اطلب منك طلب!!، وأرجو أن يكون هذا الكلام بيني وبينك
وما ابغي زوجي يعرف عن هذا الموضوع
قالها لو سمحتي من الأحسن انك تقفلين الخط
وما اقدر أخون صديق باني اكلم زوجته من وراء ظهره، ويكون بيني وبينها أسرار بعد
قالت الزوجة، لو سمحت خلني أكمل وبعدها سوي اللي تبيه
فجعل الفضول الصديق يستمع لها وينصت....
وإذا بالزوجة تقول
ممكن اطلب منك طلب وما تردني
فقال الصديق، ممكن إذا كان هذا الشئ من صالح صديقي الي هو زوجك

قالت الزوجة أنت اسمع واحكم من نفسك إذا كان هذا الطلب فيه خير لصديقك وألا لا

واسترسلت في الكلام، وأرجو منك انك ما تزعل مني لأني رح اطلب هذا الطلب منك

هنا الأفكار أخذت الصديق يمين ويسار، ويقول في نفسه

يمكن تبي تطلب فلوس مني، وصديقي مستحي يطلب مني بس لا ما اظن

يمكن تبغي اسوي لها شئ تفاجئ فيه زوجها وتفرحه

بعد ما أظن لان عندها إخوان وممكن يقومون بأي شئ لها

يمكن تريد ان تعرف إذا كان فعلا زوجها معاي دايما مثل ما يقولها، وهذا الامر هين لأنه بالفعل معاي

معظم الأوقات، أظن إنها تشك في زوجها بأنه بعلاقة بوحدة او انه متزوج بوحدة، بسيطة هانت المسالة

فتشجع الصديق وكله ثقة بأنه ممكن يطمئن الزوجة، لأنه واثق من صديقه بأنه لا علاقة له بأي انثى

فقال لها ان شاء الله ما اقولك الا الي يسر بالك!!!!!!

هنا الزوجة قالت ممكن تبعد عن زوجي، لانه معظم الوقت وياك وما يكون وياي ولا مع عياله، مهملنا وهو

دايما معك وما يجي الا متاخر والسبب انت أخذت الدهشة الصديق وظل ساكت وما عرف يرد على

الزوجة

فإذا كنت أنت في موقف هذا الصديق ماذا يكون ردك ؟

بكل بساطة اقفل منها واتصل عليه واشرشحه في البداية ثم بعدين افهمه ان هالشي اللي قاعد عمنا الحج يسويه غلط
(صارلي هالموقف وتصرفت كذا)