لاتقولين لطفلج هذه العبارة ... و لكن قولي لطفلج هذه العبارة

[size=12]لاتقولين لطفلج هذه العبارة ... و لكن قولي لطفلج هذه العبارة =

أرجو من اللي يرغب في نقل الموضوع ذكر إسم صاحبة الموضوع لأنه اجتهاد شخصي

v الطفل مثل الكبير له مشاعر وأحاسيس ...
v لا تقولين طفلي مايجيبه الطيب .... لأن مع كثرة القول طفلج ممكن يتأثر ويتغير ولو بعد فتره طويله... لكن بيتم التأثير على المدى البعيد لأن بتكون انغرست فيه العادات إللي تحبين تشوفينها في طفلج ....
v بعكس إذا عاقبتيه ممكن تكون النتيجة سريعة ... لكن تأثيرها ممكن يزول بزوال السبب
كلمي طفلج بصوت دافي وبنبرة حنونة ونظرة حب
طولي بالج .... كثيــــــــــر يعني ممكن يخطئ خمس مرات وفي الخامسه ممكن تعاقبينه بحب
يعني إذا وبختيه .. أثناء كلامج ممكن اتدخلين كلمة حبيبي ... يا حياتي ....
ممكن تحرمينه من شي يحبه ... وتقولين بحنان ... حبيبي أنا سامحتك كذا مرة ... بس إنت مصر على الخطأ ... أنا مجبورة أعاقب ... مب لأنك كَسرّت ... تفداك الأغراض إللي في البيت كلها ... لكن أعاقبك لأني زعلانة ... إذا الناس قالت ولدها يكسر الأغراض أو مايسمع الكلام ... فشو موقفي ؟؟؟
وخلييج عند عقابج ولا تتهاونين ... لأن هذا الشي ممكن يفسد التربية .... ماما تعاقب ... بعدين أكيد بتسامح ... أو باباي يعاقب وماما بتتوسط لي ، وينتهي العقاب ....
( من أمن العقوبة ساء الأدب )

لا تقولين ياويلك إن رجعت البيت وملابسك وسخة
- قولي ما أجملك يوم ترجع البيت وملابسك نظيفة

لا تقولين الله ياخذك ... والا ياليت يوم ولدتك بركت عليك
- قولي الحمد لله إللي وهبك لي هدية

لا تقولين بسير أرقد وما أبغي أسمع صوتك
- قولي أنا أدري الحلو مابيخلي أحد يسوي إزعاج علشان الماما محتاجة ترقد وترتاح

لا تقولين أف ذبحتني بشقاوتك ... إياني وإياك تكسر أغراض البيت
- قولي الحمد لله إن الله رزقني بولد مثلك يحافظ على أغراض البيت ومنظره علشان الناس يوم تدخل ... تقول ما شاء الله على الولد إللي يحافظ على نظافة بيته.

[/size]

كالعادة متألقة دائما
يعطيكي الف عافيه

» وش بلاهآ الشمس قولي يآلريآض sms + mms