ياضيقتي ماهي بعاده تطولين
--------------------------------------------------------------------------------
..
ياضيقتي ماهي بعاده تطولين
يومين ما شفت لرحيلك مواري
مدري اعجبك صدري ونويتي تقيمين
ولا بعد ودك يطول انتظاري
يكفي علي من الزمن لا تزيدين
كل الجهات مسكره في مساري
مات الصدى بصوت يثور براكين
واغتال ليلي طلة اول نهاري
بيني وبين الحظ كره له سنين
مدري متى منه باخذ بثاري
صرت الجمل وايام عمري سكاكين
احطب ضلوعي وأتدفا بناري
تعبت من نفسي وانا اقول بعدين
وش اخرة بعدين غير انكساري
يا وقت انا وياك قلي على وين
مجروح وادري وجه الاسرار عاري
ولاتحرمونا من ردودكم
موضوع: يا ضيفتي ماهي بعادة تطولين 
السبت أغسطس 22, 2009 3:06 am
